LA CSI APOYA LA GÜELGA FEMINISTA DEL 8 DE MARUZ Y CONVOCA GÜELGA XENERAL DE 24 H. N'ASTURIES

Sobrennos les razones pa uninos a los colectivos feministes y a otros sindicatos alternativos no que ta siendo un momentu hestóricu na llucha polos derechos de les muyeres y escontra les discriminaciones y violencies machistes.

Como sindicatu de clase, combativu, feminista y asturianu vamos siguir col nuestru compromisu y la nuestra responsabildá na llucha polos derechos llaborales y sociales de toles persones, y conscientes de que la güelga ye la mayor ferramienta de llucha de la clase obrera, compañeres y compañeros llamámosvos a esta güelga xeneral de 24 h, güelga mista pa muyeres y homes, que nun queda sólo no llaboral si non qu'abarca toles estayes de la vida (llaboral, cuidaos, estudiantil, consumu).

Esti 8 marzu la Corriente Sindical d'Izquierda glaya...A LA GÜELGA COMPAÑERES Y COMPAÑEROS

Nin una menos, vives mos queremos

A LA GÜELGA

LA CSI APOYA LA GÜELGA FEMINISTA DEL 8 DE MARUZ Y CONVOCA GÜELGA XENERAL DE 24 H. N'ASTURIES

Nos sobran las razones para unirnos a los colectivos feministas y a otros sindicatos alternativos en lo que está siendo un momento histórico en la lucha por los derechos de las mujeres y contra las discriminaciomes y violencias machistas.

Como sindicato de clase, combativo, feminista y asturiano seguiremos con nuestro compromiso y nuestra responsabilidad en la lucha por los derechos laborales y sociales de todas las personas, y conscientes de que la huelga es la mayor herramienta de lucha de la clase obrera compañeras y compañeros, os llamamos a esta huelga general d 24 h, huelga mixta para mujeres y hombres, que no queda sólo en lo laboral si no que abarca todas las áreas de la vida (laboral, cuidados, estudiantil, consumo).

Este 8 marzo la Corriente Sindical d'Izquierda grita...A LA HUELGA COMPAÑERAS Y COMPAÑEROS

Ni una menos, vivas nos queremos

A LA HUELGA

lleer más…

Escontra'l patriarcáu y el capital: 8 de marzu, Asturies

Facemos un llamamientu a participar na manifestación que con motivu del 8 marzu, Día internacional de la muyer trabayaora, convoca la Plataforma Feminista d’Asturies y va a tener llugar en Xixón.
Plaza L'Humedal Xixón (Asturies) a les 19:30 h.

¡¡Escontra'l patriarcáu y el capital! Vamossss

XUNTXS COLA BANDERA DE LA SOLIDARIDÁ

Esti 8 marzu taremos na cai pa lluchar polos nuestros drechos como muyeres ... “Na, eso ta ya desfasao, ya hai igualdá plena, ye qu’a algunes prestavos quejavos,…”.

Centrandónos sólo nel mundu llaboral y dexando otres violencies machistes a un llau, les mis compañeres trabayaores (asalaries refierome equí, ya sé que tabayaores somos toes), n’activu o desempleaes, saben que non. Qu’esi velu d’igualdá esconde munches inxusticies. Díi tres díi siguimos viviendo situaciones d’acosu llaboral, de diferencies salariales, d’imposición de puestos o categoríes inferiores, de convenios inexistentes, de non conciciliación de la vida familiar y llaboral, de despidos por tar embarazaes, de nun contratanos por tener fíos o pola posibilidá de que los tengamos, de mayor desregularización del emplegu, mayor riesgu de vivir situaciones d’exclusión y de violencia,…y un mui llargu etc. ¿De verdá eso ye igualdá? Pues tolo enumerao enantes y muncho más tamos viviendolo tolos díis compañeres del sindicatu. 

Divide y vencerás, decía Julio Cesar. Y durante muncho tiempu les d’abaxo tuvimos dividies . Porque lo anterior entendíase como “asuntu de muyeres” que tienen solucionar sólo les muyeres, primero con una perspertiva de xéneru y ya dempués, si cabe, dende una perspectiva sindical. Lo mesmo si falamos de persones LGTBI, de persones non blanques, de persones discapacitaes, o de represión llingüística. Más divisiones. Ye que nun son temes “estrictamente sindicales”. ¿Acasu qu’a mí (o a cualesquier persona) nun me contraten, o me discriminen nel trabayu por ser muyer, por ser xitane, por ser lesbiana, gay, trans,…nun ye un problema sindical? ¿Acasu’l paru o la esclusión social nun ye un problema sindical?

Na CSI vamos dexando atrás estes divisiones. Entendemos que somos clase obrera, que tamos oprimíes y que la nuestra llucha escontra les inxusticies tien de ser global, sin xerarquíes nin exclusiones, y siempre en comuña. Nesti sen taremos na cai, ya seya’l 8 marzu Día de la Muyer, el 1 Mayu, el 28 de xunu díi del Orgullu LGTBI, el 8 setiembre,…o cualesquier otra fecha que signifique denunciar les inxusticies y construyir una sociedá xusta, igualitaria y llibre. Y por supuesto tolos díis del añu y siempre xuntes, dientro y fuera les empreses, lluchando dende la base y la xenerosidá, avanzando nuna unidá obrera y popular, cola solidaridá como bandera.

Más info:

Acciones alredor el 8 de marzu MUYERES EN LLUCHA CSI

Plataforma Feminista Asturies

lleer más…

II Xornada Feminista: La llucha feminista d’ayer y de güei

Sábadu, 5 de marzu - a partir de les 12:00 h.

C.S. La Llume, C/Nava,1 - Xixón

El prósimu 5 de marzu, con motivu de la cellebración del 8 marzu, Día de la muyer, facemos la II Xornada feminista de Muyeres en llucha de la CSI nel Centru Social La Llume en Xixón: La llucha feminista d’ayer y de güei.

Más info:

CSI Asturies

Muyeres en Llucha

lleer más…

Pasucais Contra la violencia machista en La Pola

Xueves 4 de febreru - 19:00 h. - Ayuntamientu - La Pola

. 

Llamámosvos a toxs a participar nel pasucais...que cada rincón d’Asturies glaye: ¡ASTURIES LLIBRE DE MACHISMU!

lleer más…

Pasucais Por una sociedá llibre de violencia machista

Martes 29 d'avientu - 20:00 h., Plaza del Humedal, Xixón

Dende Muyeres en llucha facemos un llamamientu a recorrer les cais de Xixón glayando ¡Acabemos cola violencia machista! ¡Acabemos col machismu!

Tamos fartes. Fartes d’esti feminicidiu. Fartes de tola violencia machista. Otru añu más termina, otru añu negru, con más de 100 asesinatos machistes, más de 100 vides arrancaes y milenta más destruíes, anque munches nun entren nes estadístiques, anque muncha violencia sigue negándose o invisibilizándose. Pero nun queremos falar de númberos, porque 1 víctima ya sedría muncho. Por toes tenemos milenta razones pa siguir na cai tolos díis lluchando por camudar esta sociedá inxusta y cruel.

Más info:

CSI Asturies

Muyeres en llucha CSI

lleer más…

Autobús de la CSI pa la Manifestación en Madrí Contra les violencies machistes el 7 N

Dende la Corriente sindical d’izquierda va a ponese autobús, que saldrá d’estremaos puntos d’Asturies, p’allegar a la manifestación convocada pal sábadu 7 Payares en Madrid Contra les violencies machistes.

Los puntos de salida van ser:

Avilés: 3:00 h. Nel Parque’l Muelle (onde paren los autobuses urbanos).
Xixón: 3:30 h. Plaza L’Humedal (Gota Lleche).
Uviéu: 4:00 h. Llocal de la CSI (Avd. Hermanos Menéndez Pidal, 14 baxu)
Mieres: 4:30 h Estación d’autobuses de Mieres.

#7N  #terrorismomachista  #cuestionestado  #yovoy7N

Más info:

Muyeres en Llucha CSI

lleer más…

Muyeres en llucha CSI: Concentración de rechazu a la violencia machista

Ayeri asesinaron a tres muyeres y dos nenos por violencia machista. Güei a les 20:00 salimos a la cai a denunciar el terrorismu patriarcal!! Plaza del Humedal en Xixón, Plaza de la Escandalera n'Uviéu!!! nin una agresión ensin rempuesta!!

Concentración, martes 31 de marzu a las 20 h. na Plaza del Humedal - Xixón

Más info:

Muyeres en llucha CSI

Facebook muyeres en llucha

Ayer asesinaron a tres mujeres y dos niños por violencia machista. Hoy a las 20:00 salimos a la calle a denunciar el terrorismo patriarcal!!Plaza del Humedal en Xixón, Plaza de la Escandalera en Uviéu!!! Ni una agresión sin respuesta!!

Concentración, martes 31 de marzo a las 20 h. en la Plaza del Humedal - Xixón

Más info:

Muyeres en llucha CSI

Facebook muyeres en llucha

lleer más…