Dende la seición d'Educación de la CSI queremos agradecer con sinceridá'l so apoyu a tola xente que nos votó.
Pero, amás, queremos treslladavos que, anque nun algamáremos los votos necesarios pa consiguir representación na Xunta de Personal Docente non Universitario, nun escaecemos a quien s'enfotó en nós y nun los vamos defraudar. L'aición sindical sigue y agora más que nunca. La nuestra fuercia va sentise nes cais, como siempre foi, colo que, en toes y caúna de les negociaciones nes que nun vamos poder participar de manera direuta, si nun pue ser d'una forma, van sentinos d'otra. Vamos siguir siendo un sindicatu diferente.