Desque nel añu 2007 dixéronnos que tábamos en crisis, diéronnos como si nun hubiera mañana. Con unes tases de paru percima del 25%, datos oficiales, con decenes de miles de persones que se quedaron ensin casa, desamparas, y ensin tener cubiertes les necesidaes básiques. L'Estáu nun foi capaz de dar respuesta a los problemes. Entá asina, si foi capaz de caltener los privilexos d'unos pocos a cuenta de sacrificiu de munchos. Corrupción, oligarquía, esplotación, censura, prohibiciones, abusos, persecución, represión… son palabres acomuñaes a les dictadures y son palabres qu'una y otra vez se repiten de continuu, cuestionando l'actuación de uno Estaos, en teoría democráticos, pero que na práctica tán parasitados para salvaguardar los intereses d'una minoría, anque la titularidá del poder correspuenda a tola sociedá.
Énte una situación tan inxusta lo raro sería que'l descontentu social nun aumentar significativamente, tratando de compensalo l'Estáu con un endurecimientu de la lexislación que regula'l derechu a la protesta, qu'al efeuto se traduz nun aumentu de les multes a la xente que se manifiesta, identificaciones inxustificaes, malos tratos a manifestantes y deteníos, encorsetamiento de la llibertá d'espresión ya intentos decriminalización d'aquelles organizaciones que nun tán dispuestes a dexar que s'esforcie'l derechu lexítimu a esixir que les persones podamos participar na vida civil en condiciones d'igualdá y ensin discriminación nenguna, daqué qu'anguaño nun ta garantizáu.
L'Estáu respondió col usu de la fuerza, la criminalización y l'acoso xudicial énte personasque demanden daqué tan esencial como un sitiu onde vivir o un trabayu. L'Estáu acosó y acosa a aquellos que lluchen polos derechos de toos y toes. Usó la represión, tolo contrario de llibertá. Xuna llibertá que lu robaron a Alfon, a Andrés Bódalo o que queríen quitar al compañeru Aitor, felizmente absueltu. Ellos, y otres munches persones que permanecen nel anonimatu, lluchen tolos díes por una vida más xusta pa tol mundu y reciben como pagu, en demasiaos casos, l'olvidu.Nun podemos dexar qu'eso pase, tenemos la obligación moral, percima de too, de sumar fuerces pa evitar que situaciones como estes puedan dase.
CSI Asturies
Revista contraCorriente núm. 42
